Avtobus sürücüsü qırmızı işıqda yoluna davam etdi - 90-VG-904 - VİDEO

Paytaxtın Xətai rayonu ərazisində, Zığ şosesindən Ukrayna dairəsi istiqamətində hərəkət edən sərnişin avtobusunun sürücüsü qaydaları kobud şəkildə pozub.

Avtosfer.az-ın məlumatına görə, hadisə avqustun 1-də saat 16:08 radələrində qeydə alınıb. Belə ki, 90-VG-904 dövlət qeydiyyat nişanlı “Hyundai” markalı sərnişin avtobusunun sürücüsü işıqforun qadağanedici – qırmızı işığında hərəkəti davam etdirib.

Hadisə zamanı nizamlanan piyada keçidindən istifadə edən piyadaların həmin hissədə olmaması mümkün faciənin qarşısını alıb.

Qeyd edək ki, bu davranış yalnız sürücünün deyil, yol hərəkətinin digər iştirakçılarının da həyat və sağlamlığını ciddi risk altına qoyur və xüsusilə piyada keçidlərinin yerləşdiyi ərazilərdə ağır nəticələrə səbəb ola bilər.

Nərmin