Avtobus sürücüsü sıxlıqda qalmamaq üçün yol çiyninə çıxıb qırmızıda keçdi - VİDEO

Saray qəsəbəsində qaydaları pozan avtobus sürücüsünün görüntüsü avtomobildəki kameraya düşüb. Avtosfer.az xəbər verir ki, hadisə ötən il dekabrın 30-da, General Məhəmməd Əsədov küçəsilə Heydər Əliyev prospektinin kəsişməsində qeydə alınıb. Belə ki, 50-AE-425 qeydiyyat nişanlı marşrut avtobusunun sürücüsü sıxlıqda qalmamaq üçün sərnişinlərin həyatını təhlükəyə atıb. O, öncə yol çiyninə çıxaraq avtomobilləri sağdan ötməyə başlayıb. Daha sonra isə qırmızı işıqda dayanmadan hərəkətinə davam edib. Bu zaman yaşıl işıqda hərəkət edən avtomobillərin qarşısına çıxaraq onlara qəza şəraiti yaradıb.

Fərid