Avtomobili keçiddən keçən piyadanın üstünə sürən şəxs CƏRİMƏLƏNDİ - VİDEO

Bakı şəhər Dövlət Yol Polisi İdarəsinin bölmə rəisi Toğrul Nəsirli Avtosfer.az-ın sorğusuna cavab olaraq bildirib ki, sürücü barəsində qanunamüvafiq tədbir görülüb.

*** 13:30

Paytaxtın Vaqif prospektində piyadaya yol verməyən sürücü kameraya düşüb.

Avtosfer.az-ın məlumatına görə, hadisə iyunun 23-də saat 06:29 radələrində qeydə alınıb. Kadrlardan görünür ki, 99-QE-570 dövlət qeydiyyat nişanlı “BYD” markalı avtomobilin sürücüsü piyada keçidindən istifadə edən şəxsi gözləmədən hərəkətini davam etdirib.

Xoşbəxtlikdən piyada diqqətli davranaraq yaxınlaşan nəqliyyat vasitəsini vaxtında görüb dayanıb. Bununla da baş verəcək yol-nəqliyyat hadisəsinin qarşısı alınıb.

Qeyd edək ki, sürücülər bir yoldan digərinə dönərkən həmin istiqamətdə hərəkət edən piyadalara yol verməlidirlər.

Nərmin