Avtomobili sıxışdırıb təhlükə yaratdı, ardınca əlini maşından çıxarıb… - VİDEO

Bakı-Sumqayıt yolunda qayda pozan sürücü avtomobilin kamerasına düşüb.

Avtosfer.az-ın məlumatına görə, hadisə iyunun 24-də saat 16:53 radələrində qeydə alınıb. Görüntülərdən məlum olur ki, 90-ET-052 dövlət nömrə nişanlı “KIA” markalı avtomobilin sürücüsü sol zolaqda hərəkətdə olan nəqliyyat vasitəsinin qarşısına qəfil keçərək onu sıxışdırıb. 

Kadrlarda sürücünün daha sonra əlini avtomobilin pəncərəsindən çıxararaq digər hərəkət iştirakçısına yol verməsi üçün işarə etdiyi də əks olunub.

Qeyd edək ki, sürətli yollarda belə hərəkətlər saniyələr içində zəncirvari qəzalara səbəb ola bilər. Yol istəmək və ya üstünlük qazanmağa çalışmaq əvəzinə, sürücülərin zolaq dəyişmələrini təhlükəsiz məsafə saxlayaraq və digər hərəkət iştirakçılarını riskə atmadan etmələri vacibdir.

Nərmin