Avtomobilinizdəki bu sistem telefonunuza zərər vura bilər – ARAŞDIRMA - FOTO

Son illərdə sürücüsüz və yüksək texnologiyalı avtomobillərdə geniş istifadə olunan LİDAR (İşıq Təsbiti və Aralığı) sistemi smartfon kameraları üçün ciddi risk yaradır.

Avtosfer.az-ın məlumatına görə, sosial mediada bir çox istifadəçi avtomobillərin fotolarını çəkdikdən sonra telefon kameralarının sıradan çıxdığını bildirir.
Mütəxəssislərin sözlərinə görə, LİDAR sistemləri ətrafı skan etmək üçün güclü infraqırmızı lazerlərdən istifadə edir. İnsan gözü üçün zərərsiz olsa da, bu şüalar kamera sensorlarına birbaşa dəydikdə onları yandıra və daimi zədələyə bilər. Nəticədə fotolarda qara ləkələr, xətlər və ya tamamilə işləməyən piksellər meydana gəlir.

Xüsusilə "Tesla", "Audi", "Mercedes" və "Volvo" kimi markaların bəzi yeni modellərində LİDAR texnologiyası mövcuddur. Mütəxəssislər istifadəçilərə bu avtomobillərin LİDAR modullarını birbaşa çəkməməyə çağırır. Çünki cəmi bir neçə saniyəlik təsir belə kameranı yararsız hala sala bilər.
Hazırda mütəxəssislər avtomobil və telefon istehsalçılarının bu problemi aradan qaldırmaq üçün texniki həll yolları hazırlamasının vacibliyini vurğulayırlar.

Eltac Züıfüqaroğlu