Bakıda avtobus sürücüsü eyni maşını iki dəfə təhlükəyə atdı - VİDEO

Paytaxtın Yasamal rayonu, 20 Yanvar dairəsində qayda pozan sürücü kameraya düşüb. 

Avtosfer.az-ın məlumatına görə, hadisə aprelin 2-də saat 07:05 radələrində qeydə alınıb.

Kadrlardan görünür ki, BakuBus MMC-yə məxsus, 130 nömrəli müntəzəm marşrut xətti üzrə hərəkət edən 99-JU-337 dövlət nömrə nişanlı “BMC” markalı avtobusun sürücüsü manevr qaydalarını kobud şəkildə pozub. Belə ki, ən sağ zolaqda hərəkətdə olan sürücü geriyə dönmək üçün birbaşa ən sol zolağa keçib. Bu zaman o, görüntünü qeydə alan avtomobilə qəza şəraiti yaradıb.

Ardınca avtobus sürücüsü yenidən qayda pozub. O, sağ zolağa keçən sürücünü sıxışdıraraq və ikinci dəfə eyni avtomobilə qəza riski yaradıb.

Xatırladaq ki, sürücülər zolaq dəyişərkən digər hərəkət iştirakçılarına maneə yaratmamalı və manevri əvvəlcədən xəbərdarlıq siqnalları ilə icra etməlidirlər.

Nərmin