Bakıda avtomobildən yola plastik su qabları atıldı - 77-RY-738 - VİDEO

Paytaxtın Xətai rayonu, Məzahir Rüstəmov küçəsində qayda pozuntusu qeydə alınıb.

Avtosfer.az-ın məlumatına görə, hadisə mayın 10-da saat 18:14 radələrində baş verib. Kameraya düşən görüntülərdə 77-RY-738 dövlət nömrə nişanlı “Ford” markalı avtomobildə olan sərnişinin nəqliyyat vasitəsindən plastik su qablarını yol kənarındakı yaşıllıq sahəyə atmağa cəhd etdiyi əks olunur. Lakin tullantıların yolun asfalt örtüyünə düşür.

Qeyd edək ki, qanunvericiliyə əsasən, hərəkətdə olan və ya dayanmış nəqliyyat vasitəsindən yolun hərəkət hissəsinə və ətraf ərazilərə məişət tullantılarının atılması qadağandır. Bu kimi hallara görə inzibati məsuliyyət nəzərdə tutulur və sürücü ilə yanaşı sərnişin də qayda pozuntusuna görə məsuliyyət daşıya bilər.

Xatırladaq ki, İnzibati Xətalar Məcəlləsinin 352.2-ci maddəsinə əsasən, yollara və yol qurğularına tullantı atılmasına görə fiziki şəxslər 200 manat, vəzifəli şəxslər 1000 manat, hüquqi şəxslər isə 4000 manat cərimə edilə bilər.

Nərmin