Bakının başıbəlalı dairəsi: Burada qaydaları sürücülər "yazırlar" - VİDEO

Bakıda qaydaların ən çox pozulduğu yerlərdən birinin videosu sosial şəbəkədə yayılıb. Avtosfer.az xəbər verir ki, söhbət paytaxtın Cavadxan və Hüseynbala Əliyev küçəsinin kəsişməsindən gedir. Belə ki, 77-NU-296 qeydiyyat nişanlı "Nissan" markalı avtomobilin sürücüsü dairəvi hərəkət təşkil edilmiş yolayrıcına daxil olan zaman üstünlüyə malik olan avtomobilə yol verməyib. Görüntünü qeydə alan avtomobilin sürücüsü sürəti azaldaraq qəzanın qarşısını alıb.

Qeyd edək ki, əksər sürücülər sözügedən dairəyə daxil olan zaman, dairə boyunca hərəkətdə olan nəqliyyat vasitələrinə yol verməyərək təhlükə yaradırlar. Bu qayda pozuntusuna görə, İnzibati Xətalar Məcəlləsinin 327.2-ci maddəsi ilə 3 bal 100 manat məbləğində cərimə nəzərdə tutulub.

Fərid