Baş Dövlət Texniki Nəzarət Xidməti 10 aylıq statistikanı açıqladı – Xeyli artım var

Kənd Təsərrüfatı Nazirliyi yanında Baş Dövlət Texniki Nəzarət Xidməti tərəfindən 2018-ci ilin 10 ayı ərzində fermerlərə və mexanizatorlara göstərdiyi xidmətlər açıqlanıb. Xidmətdən Avtosfer.az-a bildirilir ki, göstərilən xidmətlər iilbəil artmaqda davam edir. Son 3 ilin müqayisəsi göstərir ki, BDTNX görülən işlərin miqdarını xeyli artırıb. Belə ki, dövlət qeydiyyatına alınan nəqliyyat vasitələrinin sayı 2016-cı ilin 10 ayı ərzində 3925, 2017-ci ilin 10 ayı ərzində 7443 idisə bu ilin analoji dövründə bu rəqəm iki dəfə artaraq 14244 ədəd təşkil edib. Bundan əlavə, kənd təsərrüfatına aid nəqliyyat vasitələrinin dövlət texniki baxışından keçirilməsi 2016-cı ilin 10 ayında 16763, 2017-ci ildə 23966, bu ilin 10 ayında isə 37262 ədəd olub. Traktor və digər mexaniki nəqliyyat vasitələrinə aid sürücülük vəsiqələrinin verilməsi və dəyişdirilməsində də artım var. Belə ki, 2016-cı ildə bu rəqəm 3395 ədəd idisə bu ilin 10 ayında 5465-ə çatıb. Göstərilən dövr ərzində kənd təsərrüfatı texnikalarını idarə edənlərə qarşı Baş Dövlət Texniki Nəzarət Xidməti tərəfindən tərtib olunmuş inzibati protokolların sayı 615-dən 1181-ə çatıb.

Elmin