Başı telefona qarışan “Prius” sürücüsü qəzadan son anda yayındı - VİDEO

Paytaxtın Neftçilər prospektində kobud qayda pozan sürücü görüntülənib. Bu barədə izləyicilərdən biri Avtosfer.az-ın “Instagram” ünvanına video göndərib.

Hadisə bir müddət əvvəl səhər saatlarında qeydə alınıb. Kadrdan göründüyü kimi, 99-GF-584 dövlət nömrə nişanlı “Toyota Prius” markalı avtomobilin sürücüsü manevr qaydasını pozaraq soldakı nəqliyyat vasitəsinə üstünlük vermədən qəfil həmin zolağa keçib. Nəticədə görüntünü qeydə alan sürücü üçün qəza təhlükəsi yaranıb. O, vaxtında reaksiya göstərərək toqquşmanın qarşısını alıb və siqnal verərək qayda pozan şəxsə xəbərdarlıq edib. İzləyicinin sözlərinə görə, sürücü sükan arxasında telefonla məşğul olduğu üçün bu xətanı törədib.

Xatırladaq ki, zolaq dəyişən sürücü qarşıdakı və yanındakı nəqliyyat vasitələrinin hərəkətinə əmin olduqdan sonra manevr etməlidir. Videodakı halla qarşılaşmamaları üçün sürücülər hərəkət zamanı diqqəti tam şəkildə yola yönəltməli və manevr etməzdən əvvəl mütləq ətraf nəqliyyatı müşahidə etməlidirlər.

Nərmin