Binədə sürücü hər gün maşını piyada keçidinin qarşısında saxlayıb təhlükə yaradır - 99-LK-176 - VİDEO

Paytaxtın Xəzər rayonu Binə qəsəbəsində qayda pozan sürücü vətəndaşların narazılığına səbəb olub.

Avtosfer.az xəbər verir ki, rayonun Əli İsazadə küçəsində yol hərəkəti qaydalarının kobud şəkildə pozulduğu müşahidə edilib.

Belə ki, “QAZel” markalı, 99-LK-176 dövlət qeydiyyat nişanlı yük maşını piyada keçidinin yaxınlığında park edilib. Fotodan da aydın görünür ki, “QAZel”in sürücüsü piyadaların təhlükəsiz hərəkətinə maneə yaradıb və onları yolu keçərkən çətin vəziyyətə salıb. Sakinlər bildirirlər ki, bu hal artıq sürücüdə vərdiş halı alıb və o hər gün avtomobili eyni yerdə saxlayır. Vətəndaşlar aidiyyatı qurumların məsələni daimi nəzarətdə saxlamasını tələb edir.

Qeyd edək ki, yol hərəkəti qaydalarına əsasən, nəqliyyat vasitələrinin piyada keçidinin üzərində, eləcə də piyada keçidinə 5 metr qalmış və keçiddən 5 metr keçənədək dayanması və ya durması qadağandır.

Səfər