Bu halda yaşıl işıqda belə 100 manat cərimə oluna bilərsiniz – XƏBƏRDARLIQ - VİDEO

İşıqforun yaşıl işığının yanması sürücüyə hər vəziyyətdə yolayrıcına daxil olmaq hüququ vermir. Qarşıda tıxac yaranıbsa və sürücü kəsişmənin daxilində qalaraq digər nəqliyyat vasitələrinin hərəkətinə mane olacağı halda yolayrıcına daxil olarsa, qayda pozuntusuna yol vermiş olur.

Avtosfer.az xəbər verir ki, nəqliyyat ekspert Rüfət Əmiraslanov bildirib ki, belə hallarda sürücülər yalnız işıqforun siqnalına deyil, qarşıdakı yol vəziyyətinə də diqqət yetirməlidirlər.

Ekspertin sözlərinə görə, bu qaydanın pozulmasına görə sürücü 100 manat cərimə oluna və 3 cərimə balı ala bilər.

O qeyd edib ki, qarşı tərəfdə hərəkəti davam etdirməyə kifayət qədər yer yoxdursa, yaşıl işıq yansa belə, sürücü yolayrıcına daxil olmamalıdır.

Eltac Zülfüqaroğlu