Bu keçiddən növbəti şikayət: Dayanmış piyadalara görə cərimə yazılır - VİDEO

Son günlər sosial şəbəkədə Bakı şəhərinin Nizami rayonu ərazisində sürücülərə haqsız yerə cərimə yazılması ilə bağlı məlumat yayılır. Bir neçə gün öncə Avtosfer.az saytında yayımlanan videogörüntüdə bir sürücü həmin ərazidə qayda pozmadığı halda cərimələndiyini iddia edirdi. Belə ki, sürücü keçidin qarşısında dayanan  piyadaya yol versə də, o, yolu keçmir. Lakin sürücüyə bununla bağlı cərimə tətbiq edilib.
Yayılmış videogörüntüdən sonra redaksiyamıza müraciət edən bir oxucu həmin piyada keçidi ilə bağlı daha bir iddia irəli sürüb. Onun sözlərinə görə, sözügedən ərazidə eyni üsulla bir neçə sürücü haqsız yerə cərimələnib. Oxucu iddia edir ki, bizim əvvəl paylaşdığımız videogörüntü ilə indi qeydə alınan yeni görüntüdə keçidi keçən piyada eyni şəxsdir. Lakin o, həqiqətən yolu keçmək niyyətində deyil, əksinə, piyada keçidində dayanaraq sürücülərin ona yol vermədiyi görüntüsünü yaradır. Bununla da, görünən odur ki, bəzi hallarda süni şəkildə qayda pozuntusu yaradılaraq sürücülərə cərimə tətbiq olunur.
Qeydə alınmış videogörüntüləri təqdim edirik.

Nərmin