Bu küçədə “Durmaq qadağandır” nişanı quraşdırıldı: Cərimələnə bilərsiniz – VİDEO

Bakıda məktəblərin qarşısında yol hərəkəti təhlükəsizliyinin təmin olunması məqsədilə yeni tədbirlər görülür.

Avtosfer.az xəbər verir ki, Şeyx Şamil küçəsində yerləşən 132-134 nömrəli məktəbin qarşısında 3.28 – “Durmaq qadağandır” yol nişanı quraşdırılıb.

Nəqliyyat ekspert Rüfət Əmiraslanov bildirib ki, məktəbin giriş-çıxış hissəsində avtomobillərin saxlanılması şagirdlərin hərəkəti üçün təhlükə yarada bilər.

Onun sözlərinə görə, xüsusilə məktəbə gəlib-gedən uşaqların istifadə etdiyi səkilərin və keçidlərin qarşısında avtomobillərin saxlanılmasının qarşısının alınması vacibdir.

Ekspert qeyd edib ki, bu cür məhdudiyyətlər məktəb ətrafında nəqliyyat və piyada axınının daha təhlükəsiz təşkilinə, həmçinin uşaqların avtomobillər arasında hərəkət etməsinin qarşısının alınmasına xidmət edir.

Eltac Zülfüqaroğlu