Bu küçədə tıxac vaxtı belə etməyin: Kamera çəkir - VİDEO

Bakıda sıxlıq zamanı əksər sürücülər nişanlanma xəttinin tələblərinə riayət etməyərək hərəkəti daha da gərginləşdirirlər. Avtosfer.az xəbər verir ki, Dövlət Yol Polisi İdarəsi son vaxtlar həmin sürücülərə qarşı məsuliyyət tədbirləri həyata keçirməyə başlayıb. Belə ki, artıq Süleyman Sani Axundov küçəsi ilə Azadlıq prospektinin kəsişməsində ("Hollywood şadlıq sarayının qarşısında) kameralar işə salınıb. Prospektə daxil olan sürücülər təhlükəsizlik adacığının üzərinə çıxan zaman kamera vasitəsilə onların barəsində 40 manat məbləğində cərimə tətbiq olunur.

Qeyd edək ki, artıq bir neçə küçənin kəsişməsində təhlükəsizlik adacığının tələbini pozan sürücüləri məsuliyyətə cəlb etmək üçün kameralar işə salınıb.

Fərid