Bu sürücü zolaqla hərəkət edə bilmir; qəza şəraiti yaradır - VİDEO

Bakıda manevr qaydasını kobud şəkildə pozan sürücü qəza şəraiti yaradıb. Avtosfer.az xəbər verir ki, hadisə fevralın 10-da, paytaxtın Mikayıl Müşfiq küçəsində qeydə alınıb.

Belə ki, 90-YL-967 qeydiyyat nişanlı "Ford" markalı avtomobilin sürücüsü svetoforun yaşıl işığında hərəkətə başlayan zaman orta zolaqdan sağa manevr edib. Daha sonra yolun döngəli olan hissəsində sağ zolaqla hərəkət etmək əvəzinə, qəfildən sol zolağa manevr edərək görüntünü qeydə alan avtomobilə təhlükə yaradıb.

Qeyd edək ki, əksər sürücülər yolun döngə olan hissəslərində manevr qaydalarına əməl etmirlər. Yol sağa doğru döngədirsə sürücülər sola, yol sola doğru döngədirsə sağa manevr edərək zolaqdan kənara çıxırlar. Bu isə qəzalara gətirib çıxara bilir.

Ona görə də yolun hansı istiqamətə döngə olmasından asılı olmayaraq sürücü zolaqdan kənara çıxmamalıdır.

Fərid