Bu svetoforda diqqətli olun: Belə edənlər qəzaya düşür - VİDEO

Paytaxtın Səbail rayonu, Bibiheybət yolunda (Jurnalistlərin binasının qarşısında) tez-tez yol-nəqliyyat hadisələri baş verir. Avtosfer.az xəbər verir ki, Bibiheybət məscidi istiqamətindən gələn hissədən sola — jurnalistlərin binasına dönməyə icazə verilib. Lakin həmin kəsişmə yerində geriyə dönməni qadağan edən nişan quraşdırılıb. Sürücülər həmin kəsişmə yerindən sola dönərkən qaydaları pozduqları üçün qəza qaçılmaz olur. Qeydə alınmış videodan da ayın şəkildə görünür ki, düzünə hərəkət edən "VAZ 2107" markalı avtomobilin sürücüsü qarşıdan sola dönən "Nissan" markalı avtomobillə toqquşub. Ehtimal olunur ki, "VAZ"ın sürücüsü yüksək sürətlə hərəkət edib, "Nissan"ın sürücüsü isə sola dönən zaman düzünə hərəkət edən "VAZ"ın sürücüsünə yol verməyib. Bu səbəbdən ağır qəza baş verib.

"Yol hərəkəti haqqında" qanunun 76-cı maddəsində də qeyd olunub ki, relssiz nəqliyyat vasitəsinin sürücüsü svetoforun yaşıl işığında sola və ya geriyə dönərkən, qarşıdan düzünə və ya sağa gedən nəqliyyat vasitələrinə yol verməlidir.

Fərid