Dairədə maşınların arxasında gizlənən qadın piyada qorxunc anlar yaşatdı – ANBAAN VİDEO

Binəqədi rayonunda piyadalardan biri qeyri-adi üsulla yolu keçməyə çalışıb.

Avtosfer.az xəbər verir ki, paytaxtın Binəqədi rayonu Sulutəpə qəsəbəsində piyada yolu ona aid olmayan yerdən keçib.

Belə ki, Bakı-Sumqayıt şosesində taksi və ya avtobusdan düşdüyü ehtimal olunan qadın qəsəbə istiqamətində yolu keçməyə qərar verib. Lakin o bunu qaydaları kobud şəkildə pozaraq yerinə yetirib. Xocəsən dairəsinin ortası ilə yolu keçən qadın avtomobillərin arxasından qəfil çıxaraq nəqliyyat vasitəsinin sürücüsünə çətin anlar yaşadıb.

Sürücünün ayıq-sayıqlığı nəticəsində yol-nəqliyyat hadisəsi baş verməyib. Piyada xanım sürücünün qəfil tormozlaması zamanı özünü itirib, sonra isə dairəyə tərəf addımlayaraq avtomobilə yol da verməyə çalıışıb. Artıq piyadalarla bağlı acınacaqlı vəziyyət yaranıb. Sürücülər belə hallarda bir-birlərinə kömək etməlidirlər. Dairəni, yolayrıcını keçən bir avtomomobilin sürücüsü digərlərini məlumatlandırıcı siqnal verməlidir. Əks halda, bu vəziyyətlərdə piyadavurma hadisəsi baş verə bilər.

Səfər