Dövlətin yerini özəlləşdirən şəxslər sürücünü özündən çıxardı - VİDEO

Bakıda parklanma yerinin zəbt olunması ilə bağlı sürücülərdən biri videoçəkiliş apararaq sosial şəbəkə hesabında paylaşıb. Avtosfer.az xəbər verir ki, görüntü paytaxtın Əhməd Rəcəbli küçəsində qeydə alınıb. Sürücü bildirir ki, saat 22:00-dan sonra obyektin qarşısında parklanma ərazisi konus və metal əşya ilə zəbt olunur. Bu səbəbdən digər sürücülərin parklanma etməsinə maneə yaradılır.

Qeyd edək ki, yola süni maneələrin qoyulması qanunla qadağandır. Bu əməlo törədən şəxslər məsuliyyətə cəlb edilə bilər. İnzibati Xətalar Məcəlləsinin 354.0.4-cü maddəsinə əsasən, yolların hərəkət hissəsində sədlərin, şlaqbaumların qurulmasına və nəqliyyat vasitələrinin hərəkətinin başqa üsullarla kəsilməsinə, yaxud avtomobil yollarında nəqliyyat vasitələrinin və piyadaların hərəkətinə maneələr yaradılmasına görə, fiziki şəxslər səksən manatdan yüz manatadək məbləğdə, vəzifəli şəxslər dörd yüz manatdan beş yüz manatadək məbləğdə, hüquqi şəxslər üç min manatdan dörd min manatadək məbləğdə cərimə oluna bilər.

Fərid