Duman işıqları ilə təhlükə yaradan avtobus sürücüsü - 99-JC-374 - VİDEO

Paytaxtın Xəzər rayonu, Şüvəlan qəsəbəsində qayda pozan sürücü kameraya düşüb.

Bu barədə izləyicilərdən biri Avtosfer.az-ın “Whatsapp” ünvanına video göndərib. Kadrlardan göründüyü kimi, “BakuBus” MMC-yə məxsus, 140 nömrəli marşrut xətti üzrə hərəkət edən 99-JC-374 dövlət nömrə nişanlı “BMC” markalı avtobusun sürücüsü ehtiyac olmadığı halda duman işıqlarını yandırıb. Bu isə arxadan gələn sürücünün məsafəni düzgün qiymətləndirilməsini çətinləşdirib.

Şikayətçinin sözlərinə görə, avtobus yolda hərəkətdə olarkən duman işıqları uzun müddət açıq qalıb.

Qeyd edək ki, duman işıqları Yol Hərəkəti Qaydalarına əsasən yalnız görünüşün məhdudlaşdığı hallarda — duman, leysan yağış, qar və ya işıqlanmanın kəskin zəif olduğu şəraitdə istifadə olunmalıdır. Bu işıqlar adi faralardan və stop-işıqlardan daha parlaq olduğundan, onların əsassız yandırılması həm göz qamaşdırır, həm də sürücülər arasında yanlış məsafə təəssüratı yaradır. Bu isə qəza riskini artıran amillərdən biridir.

Nərmin