Əks yoldakı avtomobillərin üzərinə sürən sürücü az qala zəncirvari qəza törədəcəkdi - VİDEO

Binəqədi–Novxanı şossesində yol hərəkəti qaydalarını kobud şəkildə pozan sürücü kameraya düşüb.

Avtosfer.az-ın məlumatına görə, hadisə iyunun 30-da saat 08:14 radələrində qeydə alınıb. Belə ki, 90-RR-321 dövlət nömrə nişanlı “Hyundai” markalı avtomobilin sürücüsü qarşı hərəkət zolağına qəfil çıxaraq təhlükəli manevr edib. Nəticədə əks istiqamətdə hərəkət edən nəqliyyat vasitələri qəza riski ilə üz-üzə qalıb.

Kadrlardan görünür ki, sürücülər toqquşmadan yayınmaq üçün son anda manevr etməyə məcbur olublar. Xoşbəxtlikdən hadisə ağır nəticə ilə yekunlaşmayıb.

Nərmin