Əks yoldakı yük maşını qadın sürücüyə qorxulu anlar yaşatdı - VİDEO

Paytaxtın Heydər Əliyev prospektində (Bakı Olimpiya Stadionu istiqamətində) kobud qayda pozan sürücü kameraya düşüb.

Bu barədə sürücülük təlimçisi Arzu Babazadə Avtosfer.az-ın “WhatsApp” xəttinə video göndərərək məlumat verib. Bildirilib ki, hadisə aprelin 25-də saat 17:24 radələrində qeydə alınıb.

Görüntülərdən aydın olur ki, 77-LM-628 dövlət qeydiyyat nişanlı “Ford Transit” markalı yük avtomobilinin sürücüsü əks istiqamətli yola çıxaraq hərəkət edib. Nəticədə o, sürücülük kursuna gələn tələbənin idarə etdiyi avtomobilin qarşısına çıxıb. Videodan eşidildiyi kimi, sükan arxasında olan qadın sürücü qəfil yaranan təhlükəli vəziyyət səbəbindən təşvişə düşür.

Qeyd edək ki, hadisənin baş verdiyi ərazidə yol nişanlanma xətləri mövcud deyil. Lakin bu hal sürücüyə əks istiqamətə çıxaraq qarşıdan gələn nəqliyyat vasitələri üçün təhlükə yaratmağa əsas vermir.

Nərmin