Ən sadə qaydanı pozan sürücü təhlükəli anlara səbəb oldu - VİDEO

Paytaxtın Binəqədi rayonu, 9-cu mikrorayon ərazisində yol hərəkəti qaydalarının pozulması qeydə alınıb.

Avtosfer.az-ın məlumatına görə, hadisə yanvarın 12-də saat 12:11 radələrində Adil Məmmədov küçəsində (“Dubay məhəlləsi” kimi tanınan ərazidə) baş verib.

Kadrlardan aydın olur ki, 90-KL-162 dövlət nömrə nişanlı “Mercedes” markalı avtomobilin sürücüsü yaşayış kompleksinin həyətinə daxil olmaq üçün manevr edərkən yolda hərəkətdə olan nəqliyyat vasitəsinə diqqət yetirməyib.

Belə ki, sürücü avtomobili dayandırmadan hərəkətini davam etdirib və bu zaman görüntünü qeydə alan sürücü üçün qəza şəraiti yaradıb. Xoşbəxtlikdən, təhlükə ilə üzləşən sürücü vaxtında dayanaraq qarşı tərəfə yol verib və bununla da yol-nəqliyyat hadisəsinin qarşısı alınıb.

Qeyd edək ki, yaşayış zonalarına və həyətyanı sahələrə daxil olarkən sürücülər əsas yolda hərəkətdə olan nəqliyyat vasitələrinə yol verməli, diqqətli və ehtiyatlı olmalıdırlar.

Nərmin