"Gənclik Mall" ticarət mərkəzinin yanındakı bu iki səbəb TIXAC YARADIR - VİDEO

Paytaxtın Fətəli xan Xoyski küçəsində tıxac yaranması ilə bağlı redaksiyamıza çoxsaylı şikayətlər daxil olur. Avtosfer.az xəbər verir ki, tıxac Vaqif prospektindən başlayaraq "Gənclik Mall" ticarət mərkəzinin qarşısına qədər uzanır. Lakin oranı keçdikdən sonra yolun tam boş olduğu aydın şəkildə görünür. Buna, ticarət mərkəzinin girişindəki sıxlıq səbəb olur.

Şikayət ünvanlayan oxucular bildirirlər ki, burada tıxac iki səbəbə görə yaranır:

1) "Gənclik Mall"un yan tərəfindəki piyada svetoforu

2) Ticarət mərkəzinin girişində yük yerini yoxlayan işçilər.

Sürücülər keçiddə ləngidikdən sonra, ticarət mərkəzinə daxil olan zaman orada xidmət aparan əməkdaş yük yerini bir-bir yoxlayır. Bu səbəbdən yolda tıxac yaranır. Tıxacın yaranmaması üçün piyadalar üçün nəzərdə tutulan svetofor pik saatlarda nizamlanmayan rejimə keçirilməlidir, ticarət mərkəzinin girişində isə yük yerini yoxalayan işçilərin sayı artırılmalıdır.

Sürücülər aidiyyəti qurumlardan bu problemin aradan qaldırılmasını xahiş edir.

Nərmin