Hərəkət vaxtı avtobusun qapısını açan sürücü sərnişinlərin həyatını təhlükəyə atdı - VİDEO

Avtobus sürücüsünün qayda pozuntusunu oxuculardan biri qeydə alaraq redaksiyamızın qaynar xəttinə göndərib. Avtosfer.az xəbər verir ki, hadisə Sumqayıt şəhərində baş verib.

Belə ki, 9 saylı marşrut xətti üzrə fəaliyyət göstərən avtobusun sürücüsü qapıları açıq vəziyyətdə hərəkət edərək sərnişinlərin həyatını təhlükəyə atıb.

Qeyd edək ki, qanunvericiliyə görə, nəqliyyat vasitəsini qapıları açıq vəziyyətdə idarə etmək qadağandır. Bu qayda pozuntusunu törədən sürücülər İnzibati Xətalar Məcəlləsinin 342.1.1-ci maddəsilə 40 manat məbləğində cərimə oluna bilərlər.

Fərid