İcazə verilmiş zolağa daxil olan sürücüyə cərimə yazıldı - ŞİKAYƏT - VİDEO

Qayda pozuntusuna yol vermədiyini bildirən sürücü barəsində tətbiq edilən cərimədən şikayətçidir. Avtosfer.az xəbər verir ki, sürücü redaksiyamızın qaynar xəttinə müraciət edərək paytaxtın İzzəddin Həsənoğlu küçəsində baş verən vəziyyətlə bağlı narazılığını bildirib.

Sürücünün sözlərinə görə, əvvəllər küçənin sol zolağında təhlükəsizlik adacığı mövcud olub. Lakin sonradan həmin adacıq ləğv edilərək hərəkət zolağı kimi istifadəyə verilib.

O bildirib ki, idarə etdiyi 77-PJ-026 dövlət qeydiyyat nişanlı “Chevrolet” markalı avtomobillə həmin zolaqda hərəkət edərkən kamera vasitəsilə barəsində cərimə tətbiq olunub.

Sürücü hərəkət qaydalarını pozmadığını əsas gətirərək, tətbiq edilən cərimənin araşdırılmasını və ləğv olunmasını xahiş edir.

Fərid