İkinci zolaqda maşın saxlayan sürücülər hərəkəti çətinləşdirdi - VİDEO

Paytaxtın Nərimanov rayonu, Əbdüləzəl Dəmirçizadə küçəsində dayanma-durma qaydalarını pozan sürücülər lentə alınıb.

Avtosfer.az-ın məlumatına görə, hadisə dekabrın 23-də səhər saatlarında qeydə alınıb. Videodan məlum olur ki, 90-KY-542 dövlət nömrə nişanlı “Nissan” markalı və 99-LE-303 dövlət nömrə nişanlı “Mazda” markalı avtomobillərin sürücüləri nəqliyyat vasitələrini yolun hərəkət hissəsində - ikinci zolaqda saxlayıblar. Nəticədə ərazidən keçən sürücülərin hərəkətinə maneə yaranıb.

Qeyd edək ki, İnzibati Xətalar Məcəlləsinin 346.4-cü maddəsinə əsasən, nəqliyyat vasitələrinin yolun hərəkət hissəsinin kənarında ikinci və sonrakı cərgələrdə dayanmasına və ya durmasına görə sürücülər 2 bal və 80 manat məbləğində cərimə olunur.

Nərmin