Magistral yolda 139-la gedən yük maşınının sürücüsü CƏRİMƏLƏNDİ - VİDEO

Türkiyənin Sakarya vilayətinin Geyve rayonunda qəribə yol-nəqliyyat hadisəsi baş verib.

Avtosfer.az xəbər verir ki, Sakarya–Biləcik magistralında 06-DHE-214 nömrə nişanlı yük maşını sürət həddini ciddi şəkildə pozaraq 139 kilometr-saat sürətlə hərəkət edən minik avtomobilindən belə daha sürətli olub. Avtomobil sürücüsü bildirib ki, bu sürətlə hərəkət etməsinə baxmayaraq, yük maşınına çatmaqda çətinlik çəkib.

Görüntülər mobil telefon kamerası ilə qeydə alınıb və sosial şəbəkələrdə yayılıb. Hadisədən dərhal sonra Pamukova Regional Trafik Nəzarət Stansiyasının əməkdaşları yük maşınını saxlayaraq stansiyaya gətiriblər. Taxoqraf cihazı üzərindən aparılan yoxlamalar nəticəsində məlum olub ki, sürücü sürət həddini dəfələrlə aşıb. Bu səbəbdən ona 12 min 427 lirə (təxminən 700 manat) məbləğində inzibati cərimə tətbiq olunub.

Qeyd edək ki, D-650 magistral yolu iri tonnajlı yük maşınları və traktor qoşqularının intensiv hərəkəti səbəbilə tez-tez qəzalarla gündəmə gəlir.

Eltac Zülfüqaroğlu