Marketə girmək istəyən sürücü təhlükəli manevr etdi - 77-XD-200 - VİDEO

Paytaxtın Hava limanı yolunda təhlükəli manevr edən sürücü avtomobilin kamerasına düşüb.

Avtosfer.az-ın məlumatına görə, hadisə iyulun 5-də saat 13:29 radələrində qeydə alınıb. Belə ki, 77-XD-200 dövlət nömrə nişanlı “Toyota” markalı avtomobilin sürücüsü marketin həyətinə daxil olmaq istəyərkən kobud qayda pozuntusuna yol verib.

Kadrlardan görünür ki, çoxzolaqlı yolda üçüncü hərəkət zolağı ilə irəliləyən sürücü birbaşa ən sağ zolağa kəskin manevr edib. O, bu zaman yaxınlaşmaqda olan nəqliyyat vasitəsinə üstünlük verməyərək görüntünü qeydə alan avtomobil üçün qəza şəraiti yaradıb.

Qeyd edək ki, qanunvericiliyə əsasən, sürücü zolaq dəyişdirərkən həmin istiqamətdə hərəkət edən nəqliyyat vasitələrinə mane olmamalı və yol hərəkətinin təhlükəsizliyini təmin etməlidir. Ani və nəzarətsiz manevrlər isə ağır yol-nəqliyyat hadisələrinə səbəb ola bilər.

Nərmin