Masazırda sürücü ard-arda kobud qayda pozdu - 99-FV-979 - VİDEO

Abşeron rayonu, Masazır qəsəbəsində yol hərəkəti qaydalarını kobud şəkildə pozan sürücü kameraya düşüb.

Avtosfer.az-ın məlumatına görə, hadisə avqustun 23-də saat 17:36 radələrində qeydə alınıb.

Kadrlardan görünür ki, sıxlıqdan yayınmağa çalışan 99-FV-979 dövlət nömrə nişanlı “Mercedes” markalı avtomobilin sürücüsü əvvəlcə əks istiqamətli hərəkət zolağına çıxıb. Daha sonra isə svetoforun qırmızı işığında hərəkətini davam etdirərək yolayrıcına daxil olub.

Hadisə zamanı qəza baş verməsə də, sürücünün hər iki manevri digər hərəkət iştirakçıları üçün təhlükəli vəziyyət yarada bilərdi.

Xatırladaq ki, qanunvericiliyə əsasən, sürücülər yol nişanlarının və svetofor siqnallarının tələblərinə əməl etməli, əks istiqamətli hərəkət zolağına çıxmamalıdırlar. Əks halda inzibati məsuliyyət cəlb oluna bilərlər.

Nərmin