Maşını harada gəldi saxlayan sürücülər: Biri piyadaların yolunu kəsdi, digəri sürücülərin.. - FOTO

Paytaxtın Yasamal rayonu, Əhməd Cəmil küçəsində xəta törədən sürücülər görüntülənib.

Xoşagəlməz mənzərəylə bağlı izləyicilərdəm biri Avtosfer.az-ın “İnstagram” ünvanına fotoşəkillər göndərib. Belə ki, 77-FP-187 dövlət nömrə nişanlı “Toyota Prius” markalı və 10-DD-554 dövlət nömrə nişanlı “Mercedes” markalı avtomobillərin sürücüləri dayanma-durma qaydalarını pozublar. Fotoşəkildən göründüyü kimi, onlardan biri maşını səkidə park edərək piyadaların yolunu kəsib. Digər sürücü isə maşını yolayrıcında saxlayaraq nəqliyyat vasitələrinin hərəkətinə əngəl törədib. Eyni zamanda ərazidə dayanma və durmanı qadağan edən nişan mövcuddur. Şikayətçi uşaq arabasıyla ərazidən keçərkən çətinlik yaşadığını bildirib.  

Qeyd edək ki, qanunvericiliyə görə, sürücülər avtomobili yolayrıcılarından yalnız 5 metr kənarda saxlaya bilərlər. Əks halda bu, qayda pozuntusu hesab olunur.

Nərmin