Motosikletin yolunu kəsən evakuator sürücüsü qəza şəraiti yaratdı - VİDEO

Paytaxtın Yasamal rayonu, Abbas Mirzə Şərifzadə küçəsində qayda pozan sürücü kameraya düşüb.

Avtosfer.az-ın məlumatına görə, hadisə bir müddət əvvəl günorta saatlarında qeydə alınıb. Kadrlardan görünür ki, 90-XT-603 dövlət nömrə nişanlı “Mercedes” markalı evakuatorun sürücüsü hərəkətdə olan motosikleti nəzərə almadan sağ zolağa keçib. Bu zaman o, motosikletin yolunu kəsərək qəza şəraiti yaradıb.

Təhlükə ilə üzləşən motosikletçi evakuatora yaxınlaşaraq sürücüyə iradını bildirib.

Qeyd edək ki, sürücü manevr etməzdən əvvəl digər hərəkət iştirakçılarına yol verməli, onların hərəkət istiqamətini və sürətini nəzərə almalıdır. 

Nərmin