Öncə dayanıb yolu kəsdi, sonra sıxışdırıb zolaqdan çıxardı - VİDEO

Bakı-Sumqayıt yolunda qaydaları pozan sürücü hərəkətə mane olub. Avtosfer.az xəbər verir ki, hadisə dekabrın 7-də, Beynəlxalq Avtovağzalın qarşısında baş verib.

Belə ki, 77-TB-024 qeydiyyat nişanlı "KIA" markalı avtomobilin sürücüsü dayanma-durmanın qadağan edildiyi yol sahəsində dayanaraq sərnişin düşürüb. Bu zaman sağ zolağı məşğul edərək digər sürücülərə çətinlik yaradıb. Qeyd edək ki, sərnişin düşürmək məqsədilə 100 metr irəlidə, avtovağzalın düz qarşısında heç kimə mane olmadan dayana bilərdi.

Bu qayda pozuntusu ilə kifayətlənməyən sürücü daha sonra görüntünü qeydə alan avtomobili sıxışdıraraq zolaqdan kənara çıxarıb. Redaksiyamıza müraciət edən sürücü bildirir ki, həmin vaxt öz iradını bildirsə də, o, qayda pozduğunu etiraf etməyib.

Sözügedən videonu təqdim edirik.

Fərid