Öndəki avtomobilin qarşısına qəfil keçən sürücü təhlükə yaratdı - VİDEO

Paytaxtın Binəqədi-Novxanı şossesində təhlükəli manevr edən sürücü kameraya düşüb.

Avtosfer.az-ın məlumatına görə, hadisə iyunun 20-də saat 21:51 radələrində qeydə alınıb. Kadrlardan görünür ki, 20-ER-495 dövlət qeydiyyat nişanlı “Chevrolet” markalı avtomobilin sürücüsü anidən sola manevr edərək görüntünü qeydə alan nəqliyyat vasitəsinin qarşısına çıxıb və qəza şəraiti yaradıb.

Hadisə digər sürücünün diqqətli davranışı nəticəsində qəzayla nəticələnməyib.

Xatırladaq ki, hərəkət zolağını qəfil dəyişmək və ya qarşıdakı nəqliyyat vasitəsinin hərəkət trayektoriyasını nəzərə almadan manevr etmək xüsusilə axşam saatlarında ciddi risk yaradır. Sürücülər manevr etməzdən əvvəl yan güzgülərdən istifadə etməli, ara məsafəsini düzgün hesablamalı və digər hərəkət iştirakçılarının reaksiyasını nəzərə almalıdır.

Nərmin