Övladınıza maşın hədiyyə edərkən məsuliyyətini də öyrədin - DYP-dən ÇAĞIRIŞ - FOTO

"Avtomobil açarı ilə yanaşı məsuliyyət də verilməlidir".

Avtosfer.az xəbər verir ki, bu barədə DYP vətəndaşlara çağırış edib. Çağırışda bildirilir ki, valideyn olaraq övladımıza sükan təqdim edərkən, yalnız bir vasitə deyil – bir öhdəlik də vermiş oluruq.

"Avtomobilin idarə olunması yalnız texniki bacarıq deyil, qaydalara hörmət, təhlükəsizliyə yanaşma və cəmiyyət qarşısında məsuliyyət tələb edir.

Əgər bu dəyərlər öyrədilmirsə, hədiyyə etdiyimiz sükan bir gün təəssüf və peşmanlıqla xatırlanacaq bir qərara çevrilə bilər.

Unutmayaq:
Sürmək hüquqdur. Təhlükəsiz davranmaq isə borcdur".