Polisə dostunun vəsiqəsini göstərdi, yalanı üzə çıxdı: 1100 manat cərimələndi – VİDEO

Türkiyənin Bursa şəhərində keçirilən yol polisi yoxlaması zamanı maraqlı hadisə yaşanıb. 

Avtosfer.az xəbər verir ki, nəzarət zamanı saxlanılan Sinan Koçun (adlar şərtidir) avtomobili sürücülük vəsiqəsi olmadan idarə etdiyi müəyyən edilib.

Sinan Koç polis əməkdaşlarına dostuna məxsus sürücülük vəsiqəsini təqdim edərək vəsiqədəki fotoşəklin ona aid olduğunu və “şəkildəki görüntünün onun köhnə halı” olduğunu iddia edib. Lakin polis əməkdaşları qısa müddətdə sənədin sürücüyə məxsus olmadığını aşkarlayıb və yalan üzə çıxıb.

Araşdırma nəticəsində Sinan Koçun ümumiyyətlə, sürücülük vəsiqəsinin olmadığı məlum olub. Buna görə də o, sürücülük vəsiqəsi olmadan avtomobil idarə etdiyinə görə 18 min 677 türk lirəsi (təxminən 1100 manat) məbləğində cərimələnib.

Bundan əlavə, qayda pozuntusuna görə sürücünün idarə etdiyi avtomobil cərimə meydançasına aparılaraq müvəqqəti olaraq saxlanılıb.
Hadisə bir daha göstərir ki, yol polisi yoxlamaları zamanı yanlış məlumat vermək və sənəd saxtakarlığı etməyə cəhd həm cərimənin ağırlaşmasına, həm də əlavə hüquqi məsuliyyətə səbəb ola bilər.

Eltac Zülfüqaroğlu