Prospektdə qəfil zolağını dəyişən sürücü qorxulu anlara səbəb oldu - VİDEO

Paytaxtın 8 Noyabr prospektində qayda pozan sürücü avtomobilin kamerasına düşüb.

Avtosfer.az-ın məlumatına görə, hadisə sentyabrın 30-da saat 18:07 radələrində qeydə alınıb. Kadrlardan göründüyü kimi, 99-BH-435 dövlət nömrə nişanlı “Ford” markalı avtomobilin sürücüsü manevr qaydasını pozub. Geriyə dönmək istəyən sürücü yolayrıcına yaxınlaşarkən ən sola keçmək üçün orta zolağa çıxıb və qəfil əyləci sıxaraq görüntünü qeydə alan maşına qəza şəraiti yaradıb. Xoşbəxtlikdən, təhlükə ilə üzləşən sürücü ehtiyatlı davranaraq qəzanın qarşısını alıb.

Təəssüf ki, bəzi sürücülər öncədən düzgün zolağı seçmirlər və son anda qəfil manevrlər etməklə təhlükəyə səbəb olurlar. Onların çoxu dönmə işığını yandırmaqla istənilən vaxt üstünlüyə malik olduqlarını düşünürlər. Lakin bu, qayda pozuntusunu dəyişmir. Hər bir sürücü manevr etməzdən öncə zolağın boş olduğuna əmin olmalı, daha sonra əməliyyatı icra etməlidir.

Nərmin