Qanundan xəbəri olmayan sürücü piyadaya yol vermədi - VİDEO

Xırdalan şəhərində yol hərəkəti qaydasını pozan sürücü kameraya düşüb. Avtosfer.az xəbər verir ki, hadisə Heydər Əliyev prospektində qeydə alınıb. Belə ki, taksi fəaliyyəti ilə məşğul olan 90-YL-218 qeydiyyat nişanlı "Chevrolet" markalı avtomobilin sürücüsü nizamlanmayan piyada keçidinə yaxınlaşan zaman qaydaları pozub. O, keçidi keçmək istəyən piyadanı görsə də, dayanmadan hərəkətinə davam edib. "Yol hərəkəti haqqında" qanunun 54-cü maddəsində qeyd olunub ki, sürücü keçidə yaxınlaşarkən sürəti lazımınca azaltmalıdır ki, yolu keçməyə başlamış piyadaları təhlükəyə məruz qoymasın. Əgər piyada keçidə daxil olmuşdursa sürücü nəqliyyat vasitəsini dayandırmalı və piyadaya yol verməlidir.

Fərid