Qaranlıqda qəfil manevr edib qəza şəraiti yaratdı – 77-KC-374 - VİDEO

Paytaxtın Yasamal rayonu, Abbas Mirzə Şərifzadə küçəsində qayda pozan sürücü kameraya düşüb.

Avtosfer.az-ın məlumatına görə, hadisə oktyabrın 20-də gecə saatlarında qeydə alınıb.

Kadrlardan görünür ki, 77-KC-374 dövlət nömrə nişanlı “Toyota” markalı avtomobilin sürücüsü geriyə dönmək məqsədilə qəfil sola manevr edib. Bu zaman o, arxadan gələn avtomobilin hərəkətinə mane olaraq qəza şəraiti yaradıb. Xoşbəxtlikdən, digər sürücü vaxtında dayanaraq toqquşmanın qarşısını ala bilib.

Xatırladaq ki, qanunvericiliyin tələblərinə əsasən, sürücü manevrə başlamazdan əvvəl onun təhlükəsiz olmasına əmin olmalı və digər hərəkət iştirakçılarına maneə yaratmamalıdır. Qəfil manevrlər və digər sürücüləri gözlənilməz vəziyyətə salan hərəkətlər yol-nəqliyyat hadisəsinə səbəb ola bilər.

Nərmin