Qaydalardan bixəbər sürücü yolda “hoqqa” verdi - 99-AR-080 - VİDEO

Paytaxtın Nərimanov rayonu, Akademik Həsən Əliyev küçəsində kobud qayda pozuntusuna yol verən sürücü avtomobilin kamerasına düşüb.

Avtosfer.az-ın məlumatına görə, hadisə sentyabrın 25-də saat 18:34 radələrində qeydə alınıb. Belə ki, 99-AR-080 dövlət nömrə nişanlı “Mercedes” markalı avtomobilin sürücüsü əvvəlcə qoşa xəttin üzərindən əks istiqamətli hərəkət zolağına çıxıb. Daha sonra isə o, təhlükəsizlik adacığının tələbini pozaraq eyni istiqamətli yola dönüb.

Bu zaman sürücü avtomobillərin yolunu kəsərək qəza şəraiti yaradıb.

Xatırladaq ki, qoşa xəttin tələbini pozaraq əks istiqamətli yola çıxmaq qanuna ziddir. Eyni zamanda təhlükəsizlik adacığının üzərindən hərəkət etmək də yolverilməzdir. Sürücülər manevr edərkən yol nişanlanmasının tələblərinə əməl etməli və digər hərəkət iştirakçıları üçün təhlükə yaratmamalıdırlar.

Nərmin