Qaydalardan bixəbər taksi sürücüsü yolu kəsib qəza şəraiti yaratdı - VİDEO

Bakıda "Bolt" taksi şirkətinə məxsus avtomobilin sürücüsü yol hərəkəti qaydasını kobud şəkildə pozub. Avtosfer.az xəbər verir ki, hadisə aprelin 23-də, paytaxtın Mikayıl Müşfiq küçəsində qeydə alınıb. Belə ki, dairəyə daxil olan taksi sürücüsü görüntünü qeydə alan avtomobilin qəfil qarşısına çıxaraq qəza şəraiti yaradıb. Təhlükə ilə üz-üzə qalan sürücü ona irad bildirən zaman, taksi sürücüsü müxtəlif bəhanələr gətirməyə başlayıb.

Qeyd edək ki, bu qayda pozuntusuna görə, İnzibati Xətalar Məcəlləsinin 327.2-ci maddəsi ilə 3 bal 100 manat məbləğində cərimə nəzərdə tutulub.

Fərid