Qəfil zolaq dəyişən sürücü azyaşlıların olduğu avtomobilə təhlükə yaratdı - VİDEO

Sədərək yolunda qayda pozan sürücü avtomobilin videoregistratoruna düşüb.

Avtosfer.az-ın məlumatına görə, hadisə iyunun 18-də saat 15:12 radələrində qeydə alınıb. Kadrlardan göründüyü kimi, taksi fəaliyyəti ilə məşğul olan 77-LM-613 dövlət nömrə nişanlı “Toyota Prius” markalı avtomobilin sürücüsü hərəkətdə olduğu zolaqdan qəfil sağa manevr edib. Bu zaman həmin zolaqda hərəkət edən digər nəqliyyat vasitəsi üçün qəza təhlükəsi yaranıb.

Görüntünü qeydə alan sürücü tormoz verərək qəzadan son anda yayınıb.

Şikayətçi bildirib ki, hadisə zamanı avtomobildə azyaşlı övladları da olub və baş verən təhlükəli vəziyyət onların ciddi şəkildə qorxmasına səbəb olub.

Qeyd edək ki, sürücülər manevr etməzdən əvvəl mütləq yol vəziyyətini qiymətləndirməli, güzgülər vasitəsilə digər nəqliyyat vasitələrinin mövqeyini nəzərə almalı və yalnız təhlükəsiz şəraitdə istiqamət dəyişməlidirlər.

Nərmin