Qırmızıda yolayrıcına daxil olub təhlükə yaradan sürücü - 77-AX-419 - VİDEO

Abşeron rayonu, Masazır qəsəbəsi, Əliağa Vahid küçəsində qayda pozan sürücü görüntülənib.
Avtosfer.az-ın məlumatına görə, hadisə avqustun 6-da saat 18:05 radələrində qeydə alınıb. Videodan da göründüyü kimi, 77-AX-419 dövlət nömrə nişanlı “Nissan” markalı avtomobilin sürücüsü işıqforun qırmızı işığında dayanmadan hərəkət edib. Nəticədə nizamlanan yolayrıcına daxil olan sürücü digər hərəkət iştirakçılarına təhlükə yaradıb.
Xatırladaq ki, bu qayda pozuntusu İnzibati Xətalar Məcəlləsinin 327.2-ci maddəsinə əsasən, 3 bal və 100 manat cəriməylə nəticələnir. 

Nərmin