Qoşa xətti saymayıb əks yola çıxan avtobus sürücüsü CƏRİMƏLƏNDİ - 77-JS-486 - VİDEO

Bakı Şəhər Dövlət Yol Polisi İdarəsindən Avtosfer.az-ın sorğusuna cavab olaraq bildirildi ki, 77-JS-486 dövlət nömrə nişanlı “BYD” markalı avtomobilin sürücüsü müəyyən edilərək barəsində qanunamüvafiq tədbir görülüb.

***

12:00

***

Paytaxtın Binəqədi rayonu, Süleyman Sani Axundov küçəsində kobud qayda pozan sürücü kameraya düşüb.

Avtosfer.az-ın məlumatına görə, hadisə aprelin 23-də saat 17:30 radələrində qeydə alınıb. Belə ki, “BakuBus” MMC-yə məxsus 2 nömrəli müntəzəm marşrut xətti üzrə hərəkət edən 77-JS-486 dövlət nömrə nişanlı “BYD” markalı avtomobilin sürücüsü qoşa xəttin tələbini pozaraq əks istiqamətli yola çıxıb. Xoşbəxtlikdən hadisə zamanı qarşı zolaqda nəqliyyat vasitəsi olmayıb.

Qeyd edək ki, qoşa xəttin tələblərini pozaraq əks zolağa çıxmaq təkcə inzibati məsuliyyət doğuran qayda pozuntusu deyil, eyni zamanda yol hərəkətində ən riskli manevrlərdən biri sayılır. Bu cür davranış sürücünün özünü deyil, qəfil qarşılaşa biləcəyi digər hərəkət iştirakçılarını da birbaşa təhlükə ilə üz-üzə qoyur. Xüsusilə ictimai nəqliyyat vasitəsini idarə edən sürücülər üçün bu risk daha geniş miqyas alır, çünki belə hallarda məsuliyyət yalnız sürücünün deyil, nəqliyyat vasitəsində olan sərnişinlərin təhlükəsizliyini də əhatə edir.

Nərmin