Qoşa xəttin üzərindən ötmə edən sürücü qəza şəraiti yaratdı - VİDEO

Paytaxtın Binəqədi şossesində yol hərəkəti qaydalarını pozan sürücü avtomobilin kamerasına düşüb.

Avtosfer.az-ın məlumatına görə, hadisə iyunun 20-də saat 17:26 radələrində qeydə alınıb. Videodan məlum olur ki, 88-BJ-841 dövlət nömrə nişanlı “Hyundai” markalı avtomobilin sürücüsü qarşıdakı nəqliyyat vasitəsini ötməyə çalışarkən qoşa xəttin tələbini pozaraq əks istiqamətli hərəkət zolağına çıxıb. Ardınca o, öz zolağına qayıdıb və bu zaman görüntünü qeydə alan avtomobilə qəza şəraiti yaradıb.

Kadrlardan da görünür ki, sürücünün məsafə və görünmə imkanlarını düzgün qiymətləndirmədən həyata keçirdiyi təhlükəli manevr həm özünün, həm də digər hərəkət iştirakçılarının həyatını riskə atıb.

Nərmin