Qubernatorun həyat yoldaşı "BMW X6" ilə qaydaları pozdu, 19 cərimə gəldi - FOTO

Rusiyanın İrkutsk vilayətinin qubernatoru İqor Kobzevin həyat yoldaşı Natalyaya 2024-cü ilin aprel ayından etibarən "BMW X6" markalı avtomobillə yol hərəkəti qaydalarını pozduğuna görə 19 cərimə tətbiq olunub.

Avtosfer.az xəbər verir ki, bu barədə "Baza" telegram kanalı məlumat yayıb.

Qaydaların pozulması halları əsasən sürət həddinin aşılması ilə bağlıdır. Digər pozuntular arasında yol nişanlanmasının kəsilməsi və təhlükəsizlik kəmərindən istifadə etmədən avtomobil idarə olunması da var. Cərimələrin ümumi məbləği 15 min rubldan artıqdır.

Rusiya qubernatoru məsələ ilə bağlı açıqlama verərək bildirib ki, cərimələr avtomobilin altı il əvvəl Voronejdə saxlanılması üçün qohumlara verilməsi ilə əlaqədardır və qayda pozuntularını da məhz onlar törədiblər. Onun sözlərinə görə, dəfələrlə onlardan borcları ödəməyi və yol hərəkəti qaydalarını pozmamağı xahiş edib.