Radarlar maşının qeydiyyat vaxtının keçməsini də müəyyən edəcək

Əbu-Dabidə yol radarları nəqliyyat vasitələrin sürəti aşmasını müəyyən etməklə yanaşı, qeydiyyat vaxtı keçmiş avtomobilləri də müəyyən edəcək. Avtosfer.az azərtac-a istinadən xəbər verir ki, qeydiyyat müddəti bitmiş avtomobillərin sürücüləri 500 dirhəm (136 dollar) məbləğində cərimə olunacaq. Bundan əlavə, onların nəqliyyat vasitələri 7 günlük müsadirə ediləcək. Əbu-Dabi yol polisi müdirinin müavini Əhməd əl Şehi bildirib ki, yeni intellektual sistem yol polislərinin vaxtına qənaət edəcək və yol hərəkətinin təhlükəsizliyini təmin etməyə yardımçı olacaq.