“Range Rover”lə sürət “şou”su: Piyada bir addımlıq ölümdən döndü - VİDEO

Sumqayıt şəhəri, Sülh küçəsində kobud qayda pozuntusu qeydə alınıb.

Avtosfer.az-ın məlumatına görə, hadisə mayın 17-də saat 22:19 radələrində baş verib. Görüntülərdə piyadanın işıqforun yaşıl işığında piyada keçidindən hərəkət etdiyi görünür. Bu zaman “Range Rover” markalı avtomobilin sürücüsü nə işıqforun tələbinə, nə də yolu tamamlamağa çalışan piyadaya məhəl qoyaraq yüksək sürətlə hərəkətini davam etdirib.

Xoşbəxtlikdən piyada son anda geri çəkilərək faciənin qarşısını ala bilib.

Qeyd edək ki, piyadalara yol verməmək və işıqforun qadağanedici siqnalında hərəkət etmək ən təhlükəli qayda pozuntularından hesab olunur. Belə hallarda bir neçə saniyəlik məsuliyyətsizlik insan həyatını təhlükə altına ata bilər. Sürücülər sükan arxasında daha diqqətli olmalı, xüsusilə piyada keçidlərinə yaxın ərazilərdə sürət həddinə və yol hərəkəti qaydalarına ciddi şəkildə əməl etməlidirlər.

Nərmin