Reklam naminə təhlükəli şou: Hərəkətdə olan avtomobildə burger hazırladı – VİDEO

Azərbaycanda bəzi kafe və coffee shoplar diqqət çəkmək üçün reklam çarxlarını qeyri-adi üsullarla hazırlayırlar. Bəzi hallarda isə bu cür çəkilişlər təhlükəsizlik qaydalarının pozulması ilə müşayiət olunur.

Avtosfer.az xəbər verir ki, “Tropical Coffeeeteria” tərəfindən paylaşılan videoda hərəkətdə olan avtomobilin lükü açıq vəziyyətdə olarkən qadın şef avtomobilin dam hissəsindən çıxaraq burger hazırlayır və daha sonra onu yeməyə başlayır. Reklam xarakteri daşıyan görüntülər sosial şəbəkələrdə geniş müzakirələrə səbəb olub.

Qeyd edək ki, hərəkətdə olan avtomobilin lükündən bədənin çölə çıxarılması və bu vəziyyətdə müxtəlif hərəkətlərin edilməsi təhlükəsizlik baxımından ciddi risk yaradır. Sosial şəbəkələrdə diqqət çəkmək məqsədilə hazırlanan bu cür görüntülər digər şəxslər üçün də təhlükəli davranış nümunəsi yarada bilər.

Eltac Zülfüqaroğlu