Rusiyada cərimələrlə bağlı yeni təklif – AZƏRBAYCANA DA TƏSİR EDƏ BİLƏR

Rusiya hökuməti yol hərəkəti qanunvericiliyinə yeni dəyişiklik etmək istəyir. 

Avtosfer.az xəbər verir ki, yeni layihədə xarici nömrə nişanlı avtomobillər üçün qayda pozuntularına görə cərimələrin ödəmə müddətinin 60 gündən 1 sutkaya endirilməsi təklif olunur. Bu müddət tamam olduqda avtomobilin saxlanılması nəzərdə tutulur. 

Qanun layihəsi sentyabrda hökumətə, 2027-ci ilin əvvəllərində Dumaya təqdim ediləcək. 

Qanun qəbul edilərsə (təklif varsa, etiraz da olmayacaq – müəl.) xarici logistika şirkətlərinə də təsirsiz ötüşməyəcək. Bu xüsusda Azərbaycan da istisna deyil. Rusiya yollarında hər gün minlərlə Azərbaycan nömrəli yük avtomobili şütüyür. Kimsə 50 dollarlıq cəriməyə görə 50 min dollarlıq yükün xarab olmasını istəməyəcək. 

Rusiya DİN-dən bildirilib ki, 60 günlük müddət bir çox sürücüyə cəriməni ödəmədən federasiya ərazisini tərk etməyə imkan verir. 2025-ci ildə tərtib edilmiş 500 min protokoldan cəmi 280 mini ilə bağlı müvafiq ödəniş aparılıb.

Vüqar